· انجنیر / د ساختماني چارو ناظر د ودانیو د جوړولو او بیارغونې چارو د تخنیکي نظارت، کیفیت تضمین او ورځنۍ څارنې مسؤولیت لري. نوموړی به ډاډ ترلاسه کوي چې ټول کارونه د منظور شوو ډیزاینونو، نقشو، تخنیکي مشخصاتو، د مقدارونو جدول (BoQ)، اړوندو معیارونو، قراردادي شرایطو، بودجې او د پروژې مهالویش سره سم ترسره کېږي.
· ملکي انجنیر به له قراردادیانو، د پروژې له ټیمونو، ټولنو او اړوندو چارواکو سره همغږي کوي، ترڅو ساختماني چارې د افغانستان د عملیاتي شرایطو په پام کې نیولو سره په خوندي، اغېزمن او پر وخت ډول او د اړینو کیفیتي معیارونو مطابق بشپړې شي.
· ۲. اساسي دندې او مسؤولیتونه
- د ساختماني ساحو منظمې لیدنې ترسره کول او د ټولو ساختماني او بیارغونې چارو نظارت کول.
- ډاډ ترلاسه کول چې کارونه د منظور شوو نقشو، ډیزاینونو، تخنیکي مشخصاتو، BoQ، کاري پلانونو او مهالویش سره سم ترسره کېږي.
- د مهمو ساختماني چارو څارنه، لکه کیندنه، بنسټونه، کانکریټ، خښتې کاري، چت، تکمیلي چارې، نلدواني او برېښنايي کارونه.
- د ساختماني موادو کیفیت او مقدار معاینه او تصدیق کول او د مناسبې زېرمه کولو او سمبالښت ډاډ ترلاسه کول.
- د کیفیت کنټرول طرزالعملونه پلي کول او د کار کیفیت معاینه کول ترڅو د اړینو معیارونو رعایت یقیني شي.
- د مهمو ساختماني پروسو څارنه، لکه د کانکریټ کار، سیخ بندي، فارم ورک، کیورنګ او خښتې کاري.
- د بشپړو شوو کارونو اندازه او تصدیق کول او د نیمګړو یا غیرمعیاري کارونو پېژندنه، ثبت او د اصلاح ډاډ ترلاسه کول.
- د قراردادیانو فعالیت او د قراردادي مکلفیتونو د رعایت څارنه.
- د تطبیق څخه مخکې د انجینري نقشو، ډیزاینونو، تخنیکي مشخصاتو او ساختماني میتودونو بیاکتنه.
- قراردادیانو، ساحوي انجنیرانو، فورمینانو او ساختماني کارکوونکو ته تخنیکي لارښوونې وړاندې کول.
- د تخنیکي ستونزو او ساختماني ننګونو پېژندنه او د حل لپاره یې ملاتړ کول.
- د ډیزاین وړاندیز شوي بدلونونه ارزول او ډاډ ترلاسه کول چې د تطبیق څخه مخکې په سمه توګه ثبت او منظور شوي وي.
- د ساحوي تفتیش دقیق ریکارډونه، د کیفیت کنټرول چک لستونه، تخنیکي اسناد او د پرمختګ راپورونه ساتل.
